القائمة الرئيسية

الصفحات

وظائف [LastPost]


Call Center


Call Center
Call Center

سنتعرف سويا على وظيفه الكول سنتر .


تعتبر وظيفه Call Center من الوظائف المطلوبه حاليا نظرا لعملها:

مجال Call Center مجال واسع جدا وفيه تخصصات كتيره ومختلفة حاول تلاقي حاجة كويسة وتكمل فيها .. عشان كدا هنتكلم ف شوية منهم ع حسب خبرتي القليلة ف المجال دا .
- في مثلا Call Center الدعم الفني اللي بيحل للعملاء مشاكل خط ارضي وموبايل وانترنت ويبعتلهم فني البيت والفني ما يروحش او يتاخر عليهم يقوم الناس تتصل بيك تاني و تشتكيلك وتطلع عينك و تحسسك ان ان المفروض انك تقوم تقلع السماعة و تاخد شنطة العدة وتروحلة البيت وتصلح المشكلة..
- و في اللي بيحجز تذاكر سفر وحجوزات فنادق زي شركة المسافر ودول بياخدو فلوس كتيرر جدا بس زي ماحنا شايفين موضوع كورونا دا وقف السفر مابين الدول وبعضها و دا اثر عليهم بشكل كبير جدا ..
- وفي اللي بياخد اوردرات أكل وشرب زي اكونت اطلب وغيرة ودا يعتبر بالنسسبالي مجال مش مميز اوي لان اية الخبرة اللي هاخدها لما اتعامل مع عميل جعان ؟؟ ونفسة حد يجبلة ساندوتش بطاطس من غير طحينة والسلطة مايكونش فيها خيار .. بس طبعا الناس اللس شغالة ف المجال دا ع راسي وناس محترمة وربنا يكرمهم ويرزقهم واكيد شغلهم لية صعوبتة ..
- وفي برضو اللي بيتابع معاك طلب انت اشتريتة ع النت من موقع زي سوق وبيتواصل مع البايع ويرحع يتصل بيك ويبعت ميل والجو دا .. وفي الناس اللي شغاله مع البنوك ودول ناس يعني خبرتهم بتبقي كبيرة ومجالهم صعب شوية ومحتاج خبرة او انك تشتغل ع نفسك عشان تبقي كويس ..
وفي الناس المحترمة الموهوبة اللي بيشتغلوا ف مجال السيلز .. ودول ناس بجد موهوبين بيحققوا مكاسب كويسة لو الشركة اللي شغالين فيها محترمة وبتديهم بونص كويس يليق بمجهودهم والحوارات والمشاكل والضغوط اللي بيتعرضولها .. مش معني انك بتبيع منتج مش بتحل مشكلة معني ان الموضوع سهل خالص مع العملاء والله .
وفي الناس بتوع خدمة عملاء لمراكز الصيانة بتاعت الاجهزة . سواء منزلية و غيرها .
ومش هننسي اكيد الناس اللي شغالة مع اوبر وكريم وغيرهم من التطبيقات اللي بنستخدمها ف حياتنا ..
ومش كل شغل الكول سنتر لازم تبقي لابس السماعه ع ودنك طول شيفت الـ 8 ساعات بتاعك .. او يعني انت ممكن تعمل مكالمات ف اوقات قليلة من الشيفت للعملاء مش هما اللي يتصلوا بيك وانت ترد عليهم..
زي مثلا انك تشتغل ايميل اند شات .. وتفضل تبعت ف ايملات و ترد ع العملاء شات لما صوابعك تنمل ..
وممكن تشتغل ف الباك اوفيس وتعمل طلبات اوف لاين وبعد كدا تتصل بالعملاء وتاكد عليهم ان طلبهم اتعمل وبيبقي ليك تارجت محدد ..
وممكن ربنا يكرمك و تترقي وطلع تبقي ليدر مثلا او اعلي من كدا وساعتها هتشيل مسؤلية اكبر م السماعة و هتحس ان الدنيا كانت احلي بكتير لما كنت ايجنت بسيط بتخلص التسع ساعات بتوعك و بتروح جري ع البيت ومحدش يقدر يقعدك نص دقيقة بعد ماتخلص ولا يقدر يتصل بيك حتي غير عشان يطمن عليك .. انما لو شيلت السماعة من ع ودانك و فرحت بالترقية هتلاقي نفسك غصب عنك و عشان المسؤلية اللي انت فيها و الكام جنية اللي زادوا ف المرتب بتفضل قاعد ف الشركة ممكن بعد شيفتك بساعتين و تلاتة ع حسب
هل اعجبك الموضوع :

تعليقات

التنقل السريع